Wizgyrno Ołma

Ojgyn z Pnioków

Policajt pyto sie jedna starka:
– Jako żeście som staro?
– Pizło mi 86 lot.
– A mogecie mi to wszyjsko, co sie sam przitrefiyło łopedzieć po swojimu ?
– Cupłach sie tak na bance przed chałupom. Dziwałach sie na szykowno, ciepluśko łodwieczerz, kiej prziszoł sam ku mie jedyn karlus i zicnoł sie blank kole mie.
– A wiedzieliście go możno, ja ?
– Niy, ale boł moreśny, reszpektny i kamratny.
– A co sie stanyło niyskorzij, kiej już zicnoł kole wos?
– Napocznoł łociyrać sie ło moja kita, ło moje hudo.
– A niy poradziyliście go zahaltować, zadziyrżyć?
– Niy, niy szło.
– A to po jakiymu?
– Bożycku ty moj, a po jakiymu ?
– Boch miała frojńda, uciycha ??? Boło mi tak przijymnie. Żodyn mi tego niy robioł łod czasu, kiej moj chopecek kipnoł trzidziyści lot tymu nazod.
– A co sie niyskorzij stanyło?
– Napocznoł głoskać moje cycki...
– A niy probowali łoni sie prociwić?
– Nie, razinku niy !
– A po czamu ?
– Bożycku ty moj, po czamu? Boło mi tak dobrze, czułach iże prawucko zyja!!!
– A co sie jesce zatym stanyło?
– No coż, łozfaklowoł ci mie do cerwioności, tożech tyż łozciongła klepyty i zadrziłach sie:
– Bier mie synek, bier mie ... a gibko!
– No, i co ? Zrobioł to, ja ?
– Niy, niy do dioska! Wrzesknoł ino „Prima Aprilis” I wtynczos żech tego łochyntola pierońskigo do imyntu ... zapukała, zastrzeloła!!!