Ojgyn z Pnioków
_VIP_
Dołączył: 30 Lip 2006
Posty: 302
Przeczytał: 0 tematów
Ostrzeżeń: 0/5
Skąd: Chorzów
|
 Wysłany: Sob 12:53, 07 Paź 2006 Temat postu: Cudze lynzyki |
|
|
No, to możno telki fal:
Tu mi sie spomnioł taki fal, kiery sie przidarzoł Bercikowi łod staryj Majzlinyj. Tyn Bercik ze takim jednym istnym poprali sie po pyskach aże wylandowali we gyrichcie, we sondzie.
– Suchejcie gizdy – pado sondca – mocie mi tu zarozki jak na spowiydzi pedzieć skuli cego żeście sie tak pochatrasiyli?
– Abo, panie syndzio – godo Bercik – tyn gorol mie sponiywiyroł. Łon mie ganc łobrazioł; jak sto pieronow sponiywiyroł i sprzezywoł.
– A jak wos panie Bercik łobrazioł ?
– Ano, pedzioł mi przi ludziach „hałdujudu”.
– No przeca to niy jes łobraza. Łon Wos panie Bercik ino pozdrowioł po angiylsku (how du you du?). Myśla, iże niy ma łobrazy i mogecie sie zgodliwie grace podać i dalij sie już niy gorszyć na sia.
Tak tyż łoni zrobiyli, nale już przi dźwiyrzach Bercik sie tak medikuje:
– Możno łon mie i pozdrowioł tyn gorol, nale czamu pedzioł mi na łostatek ty ... „złomany”?
Nale, tak to już jes, co niy jedyn słyszy, iże gloki glingajom, ino niy poradzi spokopić we ftorym kościyle, prowda?
Post został pochwalony 0 razy
|
|
