Ojgyn z Pnioków
_VIP_
Dołączył: 30 Lip 2006
Posty: 302
Przeczytał: 0 tematów
Ostrzeżeń: 0/5
Skąd: Chorzów
|
 Wysłany: Wto 18:40, 03 Paź 2006 Temat postu: Bajtle i powiarki |
|
|
A tu mi sie spomnioł taki fal łodymie ze mojij szkoły, ze mojij „siedymnostki”. Jedyn blank stary rechtor Richat Depta spytoł sie nos bajtli kiejsik cy fto boczy jakosik gryfno powiadaczka ?
Nojprzodzij wstowo Jorguś i godo:
„Fto rano wstowo, tymu Ponboczek dowo !”
Dalszij wstowo Ecik i pado:
„Dyszcz cedzi nikiej z cebra !”
Na to wstowo na łostatku Handzlik i tak rzondzi:
„Jak sie pościelesz, tak sie wyśpisz !”
Ino Holdek dubie, graco we kicholu i niy dowo pozor co inksi pedzieli. Rechtor to uwidzioł i kozoł Holdkowi pedzieć co tyż po tych swojich kamratach spamiyntoł. Holdek stanoł i wybulkoł:
„Jak sie fto pościele i z rańca stanie, to cedzi nikiej z cebra !!!”
Mocie anong kaj łon we tym swojim śniku boł?
Post został pochwalony 0 razy
|
|
