Antek na gonie..

Ojgyn z Pnioków

Kiejsik ci Antek Pikulik smowioł sie ze kamratym na gon we nocy. Rano przikwanckoł sie Antek nazod do chałpy i rzondzi do swojij staryj:
– No, toż godom ci, styrcy sie taki gryfny hazoczek na chodniczku i kuko, zaziyro ci ta na mie. To jo nic, ino gywera do łoka, wycylowołech i ryp ze łobuch rułow łoroz. A tyn hazok nic ino dalszij na mie wrazitko filuje. To jo juzaś nic, ino gywera do ślypia i juzaś gruch ze łobiuch rułow. A łon juzaś nic, blank sie nic symie niy robi ino gawcy sie na mie. Jezderkusie! To jo juzaś biera ta gywera i juzaś prasknołech w niygo roz, drugi trzeci ... ażech wszyjskie moje patrony weszczyloł. A łon, dej sie pozor, dalszij nic !
– Jezderkusie, niy metlej tela, mosz go yntlich ?
– Niy, niy ! Bo dzisz Erna, łon ci boł blank guchy i niy usłyszoł ci tego mojigo szczylanio!!!